Qindra pasagjerë kanë përjetuar ankth dhe frikë gjatë një fluturimi nga Seul, Koreja e Jugut për në Fukuoka, Japoni. Avioni është lëkundur në ajër për shkak të erërave të forta të shkaktuara nga tajfuni Shanshan, duke u detyruar të shmangë uljen.
Boeing 737-800 u ul në aeroportin Fukuoka rreth 30 minuta më vonë, sipas të dhënave të FlightAware.
Tajfuni goditi Japoninë jugore me shira të rrëmbyeshëm dhe erëra të forta të enjten, duke shkaktuar të paktën 6 të vdekur dhe duke rritur frikën për përmbytje, rrëshqitje të dheut dhe dëme të mëdha.
Më shumë se 70 persona kanë mbetur të plagosur.
