“Mosha për marrëdhëniet seksuale duhet të rritet në 16 vjeç”, gazetari i njohur zbardh detaje mbi dhunën që ndodh në rrjetet sociale: Të ashpërsohet ligji

Gazetari Sokol Bregu tha në një studio televizive, se shantazhet në rrjetet sociale kanë qenë një fenomen në vendin tonë, por tani kanë filluar të dalin në sipërfaqe.

Duke vijuar Bregu theksoi se duhet të rriten dënimet për personat që shantazhojnë në rrjet.

“Ka qenë fenomen dhe do të mbetet nëse nuk sulmohet, por tani ka dalë në sipërfaqe. Lufta i dedikohet medias se pavarësisht gabimeve që ka, ka bërë fushatë që të ketë denoncime. Drejtoria e Policisë së Tiranës i është drejtuar me thirrje vajzave dhe grave që mund të kenë pësuar diçka diçka të tillë që të denocojnë pasi denoncimi i tyre do të ketë përparësi.

E quaj lajm të mirë që një 15-vjeçare merr kurajën, e deprimuar se ishte gati për të kryer vetëvrasje dhe bën denoncim. Çfarë ndodhi? Personi në fjalë kishte dëmtuar 2 vajza të tjera. Edhe këto dy vajza që kanë qenë të dëmtuara. Nuk e di moshën aktuale, por besoj se janë në kohë të afërt dhe ende do duhen psikologe për të marrë atë shërbim që i takon,  nëse i ka lënë ndonjë pasojë.  Dënimet janë të rënda.

Shqipëria ka notuar historikisht në të tilla ngjarje. Dalluam atë denoncim që bëri vajza, por dolën dy të tjera. Njerëz të tillë duhen dënuar maksimalisht. Kjo është arsyeja ime, e daljeve, rritja e dënimeve ndaj personave të tillë që shkatërrojnë jetën e këtyre vajzave të vogla.”

Bregu shprehu kundërshtinë  e tij për nxjerrjen e emrave në media dhe tha se çështjet duhet të trajtohen pa i ekspozuar viktimat.”

Për Bregun, mosha e marrëdhënieve seksuale duhet të rritet në 16 vjeç pasi shoqëria jonë liberale nuk e përballon një nen kaq liberal.

“Jam kundër nxjerrjes së emrave, aty gabojnë mediat kur merren me histori personale. Duhet t’i trajtojmë si çështje pa i ekspozuar ato. 

Policia i gjeti me mijëra materiale, nuk i kam parë dhe nuk do doja t’i shihja. Policia është e rezervuar. Kanë mbetur të shtangur si mund të kishte kaq materiale. Është një njeri që ka gjetur një mënyrë në botën dixhitale për të dhunuar femra, vajza në moshë të vogël. Kemi problematikë në ligj. Marrëdhëniet seksuale me vajza 14-18 vjeç janë të lira, të lira që të kenë një shok në klasën e tyre, jo t’i dhunosh në këtë formë.

Shoqëria është brutale dhe duhet të rrisim të paktën deri në 16-vjeç moshën për marrëdhëniet seksuale. Deri në 16 të quhet përdhunim. Shoqëria është problematike, ishte nxitim kur e ulën nga 16 në 14. Duhet ta rrisim pasi shoqëria nuk mund ta përballojë.

Nëse dhe 2 vajzat e tjera bëjnë denoncim dhe mjeku thotë që vajzave i është shkaktuar një problem i rëndë, është në dorën e tyre se çfarë do dërgojnë mjekët tek Prokurori.
Nëse këta nuk do të dënohen maksimalisht në veprat e tyre të kryera do të vazhdojnë. Sot të gjithë janë trembur. Unë jam partizan i historive të vjetra, kushdo që e ka vuajtur një histori të tillë, t’i drejtohet policisë. Ata që kanë shkaktuar dëme të tilla të shkojnë në burg. 

Na mbetet vetëm ashpërsimi i ligjit, është mënyra për t’i dhënë fund kësaj historie, nëse nuk kemi mundësi të ndalim të gjitha rrjetet që operojnë në glob.”, tha gazetari Bregu.