Edona James, transgjinorja nga Suhareka, vazhdon të jetë një temë e nxehtë në media, edhe pse disa muaj kanë kaluar që nga përfundimi i Big Brother VIP Kosova 2. Ajo u bë e njohur në këtë format për shkak të humorit dhe karakterit të saj të veçantë. Së fundmi, Edona ka realizuar një live në Instagram, ku iu përgjigj pyetjeve të ndjekësve të saj.
Një ndjekës e pyeti nëse do të rikthehej në Big Brother për të përjetuar sërish eksperiencën. Edona reagoi menjëherë, duke shprehur se ka marrë pjesë në shumë edicione të Big Brother dhe se është lodhur nga kjo eksperiencë.
“Zoti mos e bëftë. U plaka nëpër Big Brother-a, në Gjermani e këtu. Ndoshta në Shqipëri hyj ndonjëherë”, u shpreh ajo. Edona tani po punon në projekte të reja muzikore dhe një prej tyre do ta lançojë së shpejti.
