Nuk është hera e parë që ai e deklaron këtë apo kërcënon ta bëjë këtë. Por Donald Trump, presidenti i zgjedhur i SHBA-së dhe që pret të betohet në janarin e ardhshëm, paralajmëroi në një intervistë për ABC news se ai do të “shqyrtojë seriozisht” mundësinë e largimit të Shteteve të Bashkuara nga NATO nëse ato nuk trajtohen “drejtësisht”. “Ata duhet të paguajnë faturat e tyre,” tha Trump në “Meet the Press” të NBC, duke deklaruar se ai do të konsideronte “absolutisht” tërheqjen e Shteteve të Bashkuara nga aleanca nëse shtetet anëtare nuk “na trajtonin me drejtësi”. Manjati në të kaluarën kishte cilësuar si “kriminelë” ata anëtarë që nuk ndajnë të paktën 2% të PBB-së së tyre për shpenzimet e mbrojtjes. Trump paralajmëroi gjithashtu se është “e mundur” që administrata e tij të vendosë të reduktojë ndihmën për Ukrainën.
“Ndoshta,” u përgjigj presidenti i zgjedhur kur u pyet për një reduktim të mundshëm të ndihmës për Ukrainën. Intervista është regjistruar të premten, një ditë para takimit në Paris me Volodymyr Zelensky. Nuk duhet të jetë e lehtë për Trump të dalë nga Aleanca. Në fakt, dhjetorin e kaluar, Kongresi Amerikan miratoi në mënyrë dypartiake një projektligj i cili në mënyrë efektive parandalon tërheqjen nga aleanca në mënyrë të njëanshme me zgjedhjen e presidentit, pa u shoqëruar ky vendim me një akt të Kongresit dhe miratimin e Senatit me dy të tretat e shumicës, një akt që mund të parandalojë atë që pothuajse u arrit në vitin 2018, sipas disa ekspertëve, në një samit në Bruksel. Kthimi triumfues i miliarderit në Shtëpinë e Bardhë e shqetëson NATO-n . Aq sa sekretari i ri i përgjithshëm, Mark Rutte, ka shtrirë më shumë se një dorë drejt Uashingtonit duke bërë thirrje për një aleancë gjithnjë e më të armatosur.