Pas takimit të tij në Nju Jork me këngëtaren e njohur shqiptare Parashqevi Simaku, opinionisti Arjan Curri ka dhënë detaje lidhur me gjendjen e saj shëndetësore.
Sipas tij, artistja ndodhet në gjendje të rëndë shëndetësore, jo vetëm fizike, por edhe psikike, për sa i përket anës emocionale e shpirtërore.
Curri deklaron se e vërteta e Simakut fshihet nga rrethi i saj familjar, lidhur me gjendjen shëndetësore, të cilin ai e cilësoi serioze.
“Atë që nuk duan ta shohin, atë që nuk shohin dot, ose më saktë nga dashuria e madhe që kanë njerëzit afër saj, është se Parashqevi Simaku ka probleme shëndetësore serioze, fizike dhe psikike, të natyrës shpirtërore dhe ka nevojë për mjekim. Unë nuk e di se kush, si, do ta bindin të mjekohet, por në një moment duhet ta bëjë dikush sepse dashuria për dikë nuk tregohet vetëm duke i qëndruar afër, duke i ofruar strehim, ushqim ose një paraqitje dinjitoze, por dhe duke i ofruar asistencë për ta shëruar, për të qenë e shëndetshme.”, tha ai.
Ai u bëri thirrje që të afërmit e saj të deklarojnë të vërtetën e këngëtares, në mëyrë që ta ndihmojnë. Në të kundërt, Curri paralajmëroi se të vërtetën e gjendjes së saj do ta publikonte ai, por se për momentin po rezervohet duke ua lënë të dashurve të Simakut të thonë se si qëndron gjithçka.
Lidhur me ndihmën e dhënë nga Elton Ilirjani ndaj këngëtares, Curri shprehet se ai nuk do të mund të ofrojë pafundësisht të gjithë këtë mbështetje. Opinionisti i bëri thirrje dhe Ilirjanit që të thotë të vërtetën mbi gjendjen shëndetësore të Parashqevisë, pasi nëse nuk e bën, biznesmeni do të gjendet në një pozicion të vështirë.
“Eltoni nuk mund ta bëjë pafundësisht këtë, duhet të dali të thotë të vërtetën. Nëse nuk do e bën dhe unë besoj se do e bëjë, do të jetë ai pastaj në një pozicion të vështirë. Nuk mundet që të fshihet më shumë gjatë në emër të dashurisë që kemi për Parashqevinë Simakun, sekretet rreth jetës së saj. Pra, ajo është aq publike, duhet të merret vesh pse është divorcuar, pse gjykata ja ka dhënë djalin bashkëshortit, pse përfundoi aty.”, tha Curri.
Arjan Curri:
“Pash dy paradokse. Së pari pash që njerëzit që ishin afër saj, Parashqevi Simakut, nuk donin që të shikonin realitetin e plote. Unë kam bërë thirrje që një moment ata ta thonë, e duhet ta thonë sepse në një moment ajo do merret vesh.
Rrethi i vogël familjar, e duan aq shumë saqë nuk shikojnë që situata është shumë më dramatike, gati-gati tragjike, nga sa ka dalë në emisione deri tani. Sigurisht unë në respekt të tyre, kam vendosur të hesht, derisa ata të vendosin nëse duan apo jo, por më pas nëse vendosin të mos thonë gjë vet, ne kemi një detyrë si gazetarë dhe si opinionistë, që atë që shohim në dorë të parë ta themi sepse Parashqevi Simaku është një personazh publik, ka një interes të madh publik dhe unë nuk vajta kot atje, për të bërë xhiro. Vajta për ta parë nga afër se si është gjendja e saj.
Atë që nuk duan ta shohin, atë që nuk shohin dot, ose më saktë nga dashuria e madhe që kanë njerëzit afër saj, është se Parashqevi Simaku ka probleme shëndetësore serioze, fizike dhe psikike, të natyrës shpirtërore dhe ka nevojë për mjekim. Unë nuk e di se kush, si, do ta bindin të mjekohet, por në një moment duhet ta bëjë dikush sepse dashuria për dikë nuk tregohet vetëm duke i qëndruar afër, duke i ofruar strehim, ushqim ose një paraqitje dinjitoze, por dhe duke i ofruar asistencë për ta shëruar, për të qenë e shëndetshme.
Historia është shumë dramatike, shumë tragjike, unë rezervohem, të hesht e disa ditë të tjera, derisa njerëzit afër saj vendosin të thonë të vërtetën. Nëse nuk do ta thonë ata do ta bëj unë pastaj.
Eltoni nuk mund ta bëjë pafundësisht këtë, duhet të dali të thotë të vërtetën. Nëse nuk do e bën dhe unë besoj se do e bëjë, do të jetë ai pastaj në një pozicion të vështirë. Nuk mundet që të fshihet më shumë gjatë në emër të dashurisë që kemi për Parashqevinë Simakun, sekretet rreth jetës së saj. Pra, ajo është aq publike, duhet të merret vesh pse është divorcuar, pse gjykata ja ka dhënë djalin bashkëshortit, pse përfundoi aty. “, u shpreh ai tek Top Story./gazetashqiptare