Policia kolumbiane ka arrestuar së fundmi 23-vjeçaren Karen Julieth Ojeda Rodríguez, e njohur për autoritetet lokale si “La Muñeca” ose “Kukulla” e cila akuzohet për një sërë vrasjesh që dyshohet se ka kryer në emër të organizatës kriminale Los. de la M.
Mes viktimave të vrasëses është edhe ish-partneri i saj, Davy Jesus. Ojeda Rodriguez, e konsideruar nga disa si vrasësja më e rrezikshme në rajonin e Santander, u arrestua së bashku me dy nga bashkëpunëtorët e saj të dyshuar në një operacion të madh policor. Atyre iu gjetën armë, të cilat u dërguan për analiza balistike.
Sipas informacioneve të autoriteteve, 23-vjeçarja kishte nisur të zgjeronte aktivitetin e saj kriminal, duke marrë një rol drejtues në një rrjet vrasësish me pagesë që përhapnin terror në zonë.
Vrasja e ish-partnerit të saj, Davy Jesus, tregon se sa e pamëshirshme ishte 23-vjeçarja. Jesus thuhet se mori një telefonatë nga Ojeda Rodriguez, e cila i kërkoi të takohej për të zgjidhur një mosmarrëveshje financiare.
Gjatë përplasjes, dy persona me motor e qëlluan për vdekje, një goditje që dyshohet se e kishte porositur vetë “Kukulla”.
Sipas policisë së Bucaramanga, 30 vrasje u regjistruan vetëm në tremujorin e parë të vitit 2024. Këto krime kryhen kryesisht në kontekstin e “larjes së hesapeve” nga bandat.