“Europa po përballet me…”, Organizata Botërore Meteorologjike ngre alarmin për temperaturat ekstreme: Është rritur dhe numri i vdekjeve

Organizata Botërore Meteorologjike (WMO) dhe Shërbimi i Ndryshimeve Klimatike të BE-së Copernicus publikuan një raport ku thuhet se Evropa po përballet me nxehtësi ekstreme të padurueshme për trupin e njeriut, për shkak të rritjes së temperaturave të shkaktuara nga ndryshimet klimatike.

Një raport nga ËMO dhe Shërbimi i Ndryshimeve Klimatike të BE-së Copernicus thekson se nxehtësia ekstreme përbën një kërcënim për shëndetin e punëtorëve në natyrë, të moshuarve dhe njerëzve me kushte para-ekzistuese, si sëmundjet kardiovaskulare ose diabeti.

Numri i vdekjeve të lidhura me nxehtësinë është rritur me 30 për qind gjatë 20 viteve të fundit, thuhet në raport, siç raportohet nga Reuters.

Shtohet se në Itali në korrik të vitit të kaluar, gjatë valës së të nxehtit që goditi jugun e Evropës, u regjistruan shtatë për qind më shumë vdekje sesa në muajin kur nuk pati valë të nxehti.

Në raport thuhet se shkaku kryesor i valës së të nxehtit të vitit të kaluar është emetimi i gazrave që shkaktojnë efektin serë.

Më pas Spanja, Franca, Italia dhe Greqia u prekën nga një valë e nxehtë dhjetëditore dhe ndjesia subjektive e temperaturës ishte 46 gradë Celsius.