Familjarët e Arben Lleshit nuk pranojnë të marrin trupin: Nuk është i afërmi ynë
Më 15 dhjetor, Sokol Mjacaj, i dënuar me burgim të përjetshëm, qëlloi për vdekje të burgosurin Arben Lleshi dhe plagosi shokun e tij të qelisë Indrit Shaqjën. Ndërkohë familjarët e Arben Lleshit janë shprehur se viktima nuk është i afërmi i tyre, dhe kjo është dhe arsyeja që nuk e tërheqin trupin e tij nga morgu. Lleshi ishte i dënuar me burgim të përjetshëm për vrasjen dhe më pas djegien e trupit të pajetë të Agim Hoxhës në 2012 në Britaninë e Madhe dhe nuk kishte kontakte me familjarët sepse asnjë nuk kishte shkuar për ta takuar.
Prokuroria ka vendosur të bëjë krahasim ADN me motrën e tij. Pas vendimit të ADN-së, nëse familjarët kundërshtojnë përsëri, do t’i jepet leja Bashkisë për të kryer ceremoninë e varrimit. Dyshohet se frika për hakmarrje, ka bërë të ngrihen këto pretendime nga familjarët e tij. Pas vrasjes së Lleshit u arrestuan edhe 12 zyrtarë të tjerë të burgut të Peqinit. Me burg u dënua Sokol Mjacaj, Kamber Hoxha, Qani Muça, Nikolin Gjonpali, Arben Dulellari, Ilir Balla, Florenc Mile, Fatos Pire, Genci Muça, Klement Haka, Erjon Çilaj, Indrit Dubali, pasi kishin lejuar futjen e armës së zjarrit brenda ambienteve të burgut.