Cubi Metkaj pjesë e “Portokalli”? Aktorja e njohur zbulon si qëndron e vërteta

Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme.

Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”.

E ftuar në emisionin “BBV Radio” ka qenë aktorja Cubi Metkaj, e cila së bashku me Elona Duron kanë komentuar disa nga ngjarjet më të fundit që ndodhën këto orët e fundit në shtëpinë e BBVA3.

Përveç se Jul Dedës, i cili është miku dhe kolegu i saj ndër vite, kë do të veçonte ajo si finalist?

Cubi: Përveç Julit, Juli prap domethënë. (qesh) Nuk di të them një emër. I shoh të gjithë pak a shumë aty-aty. Sa ngrihet njëri, ulet tjetri, pastaj ngrihet tjetri.

Si u shpreh Cubi për nominimin e fundit ku u largua Graciano?

Cubi: Ai ishte nominim shumë i fortë dhe në atë nominim natyrisht që Graciano do të dilte. Nuk kishte kush të dilte tjetër…. Meritoni ndoshta u sulmua pak nga debati që pati me Ledjonën dhe kur filluan edhe e sulmuan.

Nuk mund të dilte Meritoni me thënë të drejtën sepse Meritoni po bën një lojë shumë të mirë. Ka një strategji Meritoni, nuk është pa gjë. Pavarësisht se ne e shohim ndonjëherë dhe themi që pse ky po bën kështu, pse po bën ashtu, siç shkruajnë në Instagram. Graciano hyri me idenë që ‘unë do bëj namin’.

Ditët që ai ishte në nominim, ai nuk ka bërë asgjë. Ne nuk e pamë atë Gracianon që sulmonte, kthehej e kundërvihej. Jo! Në ditët e nominimit ai ka ndejtur urtë.

Ku do ta shohim së shpejti Cubin? Një lajm ekskluziv vjen në “Big Brother Radio” nga aktorja, e cila ka konfimuar deri diku në mënyrë misterioze se do të jetë pjesë së spektaklit më të njohur të humorit në Shqipëri, “Portokalli”.

Cubi: Di që do të fillojë në mars. Më kanë thënë këto kolegët e mi./TAR