“Nuk mendoj se ka një pafajësi në të dy”/ Gazetari i njohur “nxjerr blof” ish të dashuruarit…

Këngëtari Endrik Beba ishte banori i radhës i cili iu bashkua shtëpisë së “BBV3” disa ditë më parë dhe bëri mjaft bujë për lidhjen e tij me Sara Gjordenin.

Në klipin prezantues të tij Endriku, Sara dukej e habitur kur e pa dhe madje përveshi mëngët për të treguar se është gati për ta pritur. 

Gazetari i çështjeve rozë Andi Vrapi, i ftuar në një program televiziv u shpreh se të dy ata janë të gatshëm për ta përdor këtë histori të tyre, për të hyrë thellë në lojë.

Andi Vrapi:

‘Unë nuk do ta quaja konspiracion sepse ajo ka qenë dëshira e Endrikut, këtë e pamë edhe Prime-in e kaluar dhe ka qenë dëshira e tij për tu prezantuar në atë lloj mënyrë.

Unë mendoj se duke hyrë me prezantimin  si i dashuri i Sarës,pasi do të krijonte menjëherë dinamika duke hyrë  mes çiftit në një farë mënyrë, por ai u tregua shumë i jashtëm në atë marrëdhënie.

Ai fillimisht mori goxha vëmendje pasi njerëzit ishin goxha kuriozë për atë që do të ndodhte, do i fliste Bardhit apo jo, çfarë do thotë e ç’do bëjë, por në një farë mënyre ai ra në hije sepse nuk bëri asgjë. Kështu që nuk di të të them a humbi apo mori më shumë se ç’mori.

Unë nuk mendoj se ka një pafajësi në të dy këto, pasi janë të dy të gatshëm për ta përdorur këtë histori. Njerëzit sigurisht që edhe duke mos pasur gjëra do të flasin, lëre më tani që të dy ata i kanë dhënë material.

Sara këtë herë është mjaft e kalkuluar, kishte dëshirë për të bërë dasmën me Bardhin për të qenë pjesë e Prime-it’.