Arrestohet Marklen Haka, i shpallur në kërkim në kuadër të operacionit “Revanshi, raportohet se ai është arrestuar në Nikël gjatë një aksioni blic.
Sipas informacioneve, Haka kishte tre muaj që kishte ardhur nga Dubai ku jetonte prej kohësh. Dyshohet se ai ka hyrë në vend ilegalisht nga Kosova.
Ai akuzohet nga Prokuroria e Posaçme për veprat penale te “Vrasjes me paramendim”, e mbetur në tentativë, në dëm të Durim Bamit.
Kjo ngjarje ka ndodhur më 4 nëntor të vitit 2020 në qytetin e Tiranës, kryer në formë të veçantë të bashkëpunimit, atë të grupit të strukturuar kriminal.
Kush është Marklen Haka?
Marklen Haka, në shtator të vitit 2019 i shpëtoi një atentati në derë të shtëpisë së tij, ku mbeti e vdekur halla e tij Shpresa Basha.
Marklen Haka arriti të shpëtonte, pasi mori vetëm një plumb në krah. Ai ka qenë i arrestuar për një vrasje të ndodhur në qershor të vitit 2011 në zonën e ish-Bllokut në Tiranë, por u lirua për mungesë provash.
Më 12 shtator të vitit 2018, Mariglen Haka u arrestua bashkë me të atin e dy persona të tjerë përfunduan në Polici. Policia arriti të gjente vetëm disa armë pa leje.
Në lidhje me këtë arrestim, Haka u dënua me 1 vit heqje lirie. Dënimin që e përfundoi në korrik të 2019. Dy muaj më pas e plagosën. Po ashtu, Haka njihej për miqësinë me Valter Bamin, vëllain e Durim Bamit, i cili e transportoi të plagosur në spital në 2019-ën.
