Detaje të reja kanë dalë nga ngjarja makabre që ndodhi në Tiranë ku një profesor ka vrarë gruan, qentë dhe më pas veten. Çifti jetonin prej rreth 10 vitesh në Tiranë dhe kishin marrë një shtëpi me qira, ndërkohë që mësohet se nuk kishin fëmijë.
Profesori amerikan Mathew James Werts ishte martuar me Saragih Indah Lilis Sartika, shtetase indoneziane. Por gjatë gjithë kohës që kanë jetuar në Tiranë, profesori nuk e lejonte gruan që të punonte por as që të dilte nga shtëpia.
Si ndodhi ngjarja makabre në Tiranë?
Profesori amerikan Mathew James Werts fillimisht ka mbytur gruan e tij Saragih Indah Lilis Sartika me litar. Ndërkohë që më pas ka dhunuar deri në ngordhje dy qentë e tyre, me shkop bejsbolli dhe më pas ka vrarë veten. Mësuesi Wertz kishte lënë një letër ku i drejtohej prindërve dhe iu kërkonte falje se nuk ishte bërë burrë dhe nuk kishte hequr dorë nga veset, duke shtuar se njerëzit e dashur po i merr me vete. Po ashtu në letër ai kishte shtuar emrat e disa personave që u kishte borxh dhe u thoshte që lekët që kishte lënë në kartë mjaftonin për të shlyer borxhet.