Olsi Bylyku ditën e sotme ka publikuar këngën e tij të re të titulluar “Amla”. Kënga duket se është një dedikim për partneren e tij. Këtë Olsi e ka zbuluar nëpermjet videoklipit të këngës si dhe një postimi të bërë në rrjetet e tij sociale.
Në postimin e tij në Instagram Olsi shkruan: “Miq, në vitin më të vështirë të jetës sime profesionale dhe personale “Amla” ishte dhe është me mua në çdo hap.
Kënga dhe video flasin vetë. Dëgjim të këndshëm! Llokumet më vonë.”
Teksti dhe videoklipi i këngës flasin për një periudhë të vështirë që këngëtari dhe aktori ka kaluar në jetën e tij, dhe afër i ka qëndruar “Amla”. Gjithashtu pjesë e këngës janë dhe disa momente të bukura “prapaskena” të çiftit së bashku të cilët duken shumë të dashuruar.
