Super tajfuni Yagi, stuhia më e fortë në kontinentin aziatik për këtë vit, ka goditur të premten brigjet e provincës Hainan të Kinës, duke shkaktuar erëra të forta dhe reshje të dendura shiu. Njoftohet se shkollat qëndrojnë të mbyllura prej dy ditësh tashmë, ndërsa shumë fluturime në rajonin e Detit të Kinës Jugore janë anuluar.
Me erëra që arrijnë shpejtësi deri në 234 km ne orë, Yagi është cilësuar si cikloni tropikal i dytë më i fuqishëm në botë, pas uraganit Beryl, i cili goiditi brigjet e Atlantikut më herët gjatë këtij viti. Deri tani, raportohet se ky super tajfun ka vrarë 16 persona në momnetin që goditi veriun e Filipineve më herët gjatë kësaj jave.