Phil Donahue është ndarë nga jeta në moshën 88-vjeçare. Prezantuesi legjendar i talk show-t dha frymën e fundit mbrëmjen e së dielës, në shtëpinë e tij, pranë familjes. Vitet e fundit ai po përballej me një problem shëndetësor ende të pazbuluar.
Të afërmit e tij kanë kërkuar që në vend të kurorave, të bëhen donacione për Spitalin Kërkimor të Fëmijëve St. Jude ose në Fondin e Bursave Phil Donahue/Notre Dame.
Donahue u bë i njohur nga emisioni i tij “The Phil Donahue Show”, në të cilin u fokusua në tema të diskutueshme, të cilat konsideroheshin tabu, si aborti, inçesti, homoseksualiteti apo alkoolizmi. Megjithatë, përpara se të kalonte në TV në vitin 1967, ai filloi karrierën në radio që nga viti 1959.
