Këngëtarja Maya Aliçkaj ka reaguar për herë të parë pas përplasjes publike që ka pasur me bashkëshortin e saj. Në një intervistë për një emision televiziv, Maya ka treguar se ka pasur një periudhë të vështirë mediatike por edhe shpirtërore. Teksa i bëri dedikim një fansit të saj, këngëtarja zbuloi që nga stresi i përplasjes ka humbur edhe peshë.
“Po të përshëndes nga shtëpia ime, po të përshëndetes publikisht nga shtëpia ime, sepse kështu u bë tani publike. Ai gjesti yt aq i rrallë në shenjë edhe të momenti delikat mediatik edhe shpirtëror, bëre të pamundurën për të më mbështetur mua. Ti je një stilist i mirë me qepe një fustan për shijen time, por ishte pak i gjerë se unë jam dobësuar pak tani,”– u shpreh Maja.
Këngëtarja shqiptare Maya Aliçkaj, është pajisur pak javë më parë me urdhër mbrojtje nga Gjykata e Tiranës, për shkak të dhunës që bashkëshorti ka ushtruar ndaj saj. Maja, me emrin zyrtar Fatbardha Ulbirch dhe bashkëshorti i saj Arben Ulbirch (Arben Shuaipi), duket se kanë pasur konflikte prej kohësh me njëri-tjetrin. Shuaipi është urdhëruar me vendim gjykate, që të mos i afrohet bashkëshortes së tij, më shumë se 200 metra, duke nënkuptuar edhe vilën e tyre në zonën e Mulletit ku jeton këngëtarja bashkë me djalin. Po ashtu, bashkëshorti i këngëtares, duhet të bëhet pjesë e programeve të rehabilitimit kundër dhunës në familje.
