Një video e bërë publike mesditën e së mërkurës shkaktoi ‘furtunë’ në media. Një konflikt i ndodhur në Pallatin Mbretëror mes Princit Leka Zogu dhe Elia Zaharias bëri bujë edhe në mediat ndërkombëtare. Një inspektor i komisariatit nr1 në Tiranë ka dorëzuar një shkresë zyrtare pranë Pallatit Mbretëror, ku njoftonte se grupi hetimor kërkon të administrojë pamjet e kamerave të sigurisë.
Grupi hetimor kërkon pamjet për të hedhur më tepër dritë për konfliktin fizik mes Princ Lekës dhe Elia Zaharisë pasditen e 5 marsit.
Ndërkohë, në Gjykatën e Tiranës u mbajt këtë të enjte seanca për çiftin mbretëror tashmë në proces divorci. Gjykata aprovoi kërkesat për urdhër-mbrojtje të të dyja palëve. Çifti duhet të mbajnë distancë 5 m nga njëri-tjetri, vendosi gjykata, fëmijën Leka duhet ta takojë jo në prezencë të Elias, por të dados.
