Autoritetet iraniane kanë prerë katër gishtat e dorës së djathtë të një 35-vjeçari për vjedhjen e pesë deleve nga një fermë, një akuzë që ai e hodhi poshtë.
“Yousef ishte 34 vjeç kur u arrestua për akuzat për vjedhjen e pesë deleve nga një fermë që i përkiste një anëtari të Gardës Revolucionare Islamike (IRGC),” grupi i të Drejtave të Njeriut në Iran (IHRNGO) me bazë në Norvegji citoi një burim të informuar të thoshte.
“Yousef ishte një ndërtues dhe kishte kontraktuar të ndërtonte një dhomë në fermë. Ai e mohoi vjedhjen dhe këmbënguli se ishte i pafajshëm gjatë 13 muajve që ishte pas hekurave,” shtoi burimi.
. Organizata për të drejta të njeriut në Iran, ka thënë se vendimi për këputje të gishtërinjve prej dorës së 34-vjeçarit, të identifikuar vetëm si “Yousef T”, është marrë verën e kaluar në burgun qendror Qom.
“Amputimi i gishtërinjve të burrit, nën akuzat për vjedhje të disa deleve nga regjimi i korruptuar, zyrtarët e të cilit garojnë në vjedhje dhe përvetësime miliarda dollarëshe, demonstron mizorinë dhe mungesën e moralit të sistemit”, ka thënë Mahmud Amiri Moghadam, drejtor i organizatës për të drejta të njeriut në Iran.
