Këngëtarja e njohur nga Kosova, Arta Kabashi, ka vetëm pak kohë që është bërë pjesë e shtëpisë së “Big Brother VIP 3”, por ka fituar zemrat e publikut.
Ajo herë pas here është përfshirë në diskutime, ku nuk kursehet aspak ndaj banorëve. Së fundmi, në një bisedë me disa banorë në oborrin e shtëpisë Arta ka folur për një periudhë të vështirë emocionale.
Artistja shqiptare tregon se dikur nuk ka pasur vullnet të jetojë, por që më pas ka kërkuar për lumturinë dhe se tani ndodhet në një vend të qetë.
“S’kam pasur vullnet të jetoja. Edhe kam thënë në rregull, dua të jem e lumtur. Thjesht dua të gjej një mënyrë se si të jem e lumtur. Mund të tingëllojë klishe, por ia kam dalë. E kam kuptuar që rrethanat nuk kanë të bëjnë asgjë me lumturinë tënde, gjithçka është në mendje dhe shpirt. Nuk duhet me prit për askënd që me iu rregulluar rrethanat në jetë dhe me thënë në rregull. Tani jam e lumtur”, u shpreh ajo.
