Pas përfundimit të “Primes” mbrëmjen e kaluar, debati që kulmoi në shtëpinë e “Vëllait të Madh”, ishte mes dy aktorëve të njohur, Jul Dedës dhe Egla Cenos. Kjo e fundit i kërkoi kolegut të saj që të shkonte në banjo dhe të ndërrohej, pasi sipas saj ishte mungesë respekti ndaj vajzave që ndodheshin në shtëpi.
“Është mungesë respekti. Ta përsëris neve gocat nuk do na shohësh ndonjëherë duke ndërruar brekët në dhomën e gjumit. Ndërkohë që jetojmë në komunitet”, i tha aktorja Julit, i cili pavarësisht fjalëve që Egla i tha vijoi të ndërrohej brenda dhomës së gjumit.
Lidhur me këtë debat mes dy aktorëve së fundmi ka reaguar edhe këngëtarja e njëkohësisht moderatorja, Rozana Radi. Përmes një postimi në “Instagramin” e saj, Rozi ka thënë se Egla nuk është në një kamp pushimesh dhe duhet të përshtatet. Sipas saj, aktorja është mësuar që të zhvishet në prapaskena gjatë shfaqjeve të saj, prandaj dhe nuk e ka problem që Juli thjeshtë të ndërrojë pantallonat në dhomën e gjumit.
“E ndoqët ju këtë debatin e Julit me Eglën. Ah moj Egla, Egla, nuk është kamp pushimesh. Aty ke një Bibël që thotë: Gjithçka që sështë e ndaluar është e lejuar. Që do të thotë ku zhvishet Juli, Romeo, Roza, Meri, Rikja është problemi i tyre, por nuk mendoj që një aktore që zhvishet edhe në prapraskena se duhet të hyjë në skenën tjetër nuk e ka problem që Juli po heq pantallonat dhe po vesh tutat në dhomën e gjumit. Mos harro që do laheni me rroba banjo. Egla të kam xhan zemër”, dëgjohet të thotë Rozi.
