Aktori i humorit, Rezart Veleshnja është ndaluar mbrëmjen e së enjtes nga policia. Raportohet se Rezart Veleshnja i ka marrë makinën shokut të tij për ta përdorur. Por, aktori i humorit nuk ia ka kthyer më dhe ia ka shitur dikujt tjetër për një shumë prej 2 mijë euro.
“Specialistët për Hetimin e Krimeve të Komisariatit të Policisë Durrës ndaluan shtetasin R. V, banues në Tiranë, pas me anë të mashtrimit, i ka marrë një automjet, shtetasit Y. T., dhe më pas e ka shitur”,”– njoftoi policia.
Disa orë pas lajmeve, reagoi edhe vetë aktori, duke dhënë variantin e tij të historisë.
“Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq! Nuk ka asnjë gjë këtu, jo u arrestua jo… turp! Ishte një automjet që kishte humbur, kaq! E kam për dorur dikur, por unë s’kam lidhje më me atë makinë pasi e kam hequr”, u shpreh Veleshnja në videon e tij, duke kundërshtuar kështu edhe policinë në njoftimin zyrtar që solli për ngjarjen.
Gjithçka duket se e ka zanafillën nga debati që Rezi ka pasur me mikun e tij pikërisht për makinën. Pas disa debateve që kanë pasur me njëri-tjetrin, ky i fundit ka vendosur që ta denoncojë për mashtrim. Çështja është e ditëve të fundit ku edhe ka ndodhur gjithçka mes dy të njohurve. Sapo policia është njoftuar për ngjarjen, pas hetimeve të kryera ka arrestuar menjëherë aktorin. Pas një periudhe pauze nga televizioni, Rezarti vendosi që të “suprizonte” fansat e tij duke u bërë pjesë e formatit më të ndjekur në Kosovë, “Big Brother Vip”.
Ndonëse qytetarët prisnin shumë prej tij, rrugëtimi i Rezartit në këtë format nuk zgjati më tepër se një muaj dhe u përjashtua me një “zarf të zi” nga “Vëllai i Madh”. Aktori, me figurën e të cilit shumë prej nesh janë rritur, u përjashtua nga ky reality show për shkak të shkeljes së etikës. Sipas asaj që produksioni tha gjatë qëndrimit në shtëpi ai u bë protagonist i disa episodeve për ngacmime seksuale, gjuhë urrejtje, fyerje dhe kërcënime. Sikur të mos mjaftonte kjo, tashmë aktori duhet të përballet edhe me drejtësinë penale për akuzën e “Mashtrimit”.