Regjisori David Lynch, u nda nga jeta në moshën 78-vjeçare dhe lajmin e dhanë në faqen e tij në Facebook familjarët e tij.
“Ka një boshllëk të madh në botë tani që ai nuk është më me ne”, thuhet në postim.
Lynch mori tre nominime për Oscar për regjisorin më të mirë gjatë karrierës së tij për punën e tij në Blue Velvet, The Elephant Man dhe Mulholland Drive.
Mes veprave të tij janë Mulholland Drive dhe Twin Peaks. Projekti i tij i fundit madhor ishte Twin Peaks: The Return, i cili u transmetua në vitin 2017 dhe vazhdoi serialin televiziv që u shfaq për dy sezone në fillim të viteve 1990.
Lynch zbuloi në gusht të vitit të kaluar se ai po luftonte me emfizemë, një sëmundje kronike e mushkërive, nga “shumë vite të pirjes së duhanit”.